Shkrime te ngjashme
PYETJE-PERGJIGJE
Kritika ndaj Ebu Hanifes dhe përgjigjet e tyre
Mosngritja e duarve në Namaz. Ja mbi 40 argumente pro medh’hebit hanefi
(ISTINXHA DHE ISTIBRA)
- E mërkurë, 17 Maj 2011
- Shkruajtur nga Administrator
PASTRIMI I VENDDALJES SË NEVOJËS SË MADHE DHE TË VOGËL
(ISTINXHA DHE ISTIBRA)
Me shprehjen Istinxha nënkuptohet pastrimi i venddaljes së nevojës së madhe, ndërsa me shprehjen Istibra nënkuptohet pastrimi dhe terja e venddaljes së urinës ose nevojës së madhe.
Pastrimi i venddaljes se nevojës së madhe mund të jetë:
1. Farz Kur ndodhë që ndytësira të shtrihet dhe të tejkalojë masën e caktuar atëherë pastrimi në këtë rast është farz.
2. Vaxhib Po që se ndodhë që ndytësira nuk e tejkalon masën e një dirhemi atëherë pastrimi në këtë rast është vaxhib.
3. Sunnet Kur ndodhë që ndytësira nuk është shtrirë përtej pjesës fundore tw grushtit, pastrimi në këtë rast është sunnet.
Pastrimi i venddaljes pas kryerejs së nevojës së madhe më së miri është të bëhet me ujë, po nëse nuk ka ujë mund të pastrohet me gur e të ngjashme. Me rastin e pastrimit duhet patur kujdes që ndytësira në tërësi të pastrohet. Pas çdo pastrimi të ndytësirës është mirë që duart të lahen mirë e mirë me sapun.
Sunnetet dhe mustehabet e pastrimit prej nevojës së madhe.
1. Të pastruarit së paku tri herë venddaljen e nevojës së madhe.
2. Të pastruarit me elemente që mund të përdoren për pastrim si, uji, dheu, gurët etj. Nuk lejohet të përdoren për pastrim thengjilli, guri i lëmuar, xhami apo ndonjë pëlhurë që ka vlerë etj.
3. Pastrimi të bëhet me dorën e majtë[1].
4. Të mos bëhet pastrimi me eshtra dhe bajga[2].
5. Duhet që të kryhet nevoja në ndonjë vend ku nuk mund shihet nga të tjerët.
[1]Pejgamberi a.s. ka thënë:"Kur të urinojë dikush prej jush të mos e fshijë me dorën e djathtë, dhe kur të shkojë dikush në nevojtore të mos e pastrojë ndytësirën me dorën e djathtë…". (Buhariu dhe Muslimi).
[2] Ebu Hurejrete r.a. transmeton se Pejgamberi s.a.ë.s.i ka thënë atij: "Më sill mua gur për ta pastruar venddaljen e urinës, e mos më sill eshtra dhe bajga! E unë i thash: çka është problemi i eshtrave dhe bajgave? Ato dyja janë ushqim i xhinëve". (Buhariu).